లబ్ధిదారులకు సీఎం రిలీఫ్ ఫండ్ చెక్కుల పంపిణీ

సదాశివపేటలోని తన నివాసంలో సంగారెడ్డి ఎమ్మెల్యే చింతా ప్రభాకర్ సోమవారం 50 మంది లబ్ధిదారులకు సీఎం రిలీఫ్ ఫండ్ చెక్కులు పంపిణీ చేశారు. వీరిలో సదాశివపేట మండలానికి చెందిన 28 మంది, పట్టణానికి చెందిన 22 మంది ఉన్నారు. మొత్తం రూ.13.135 లక్షల విలువైన చెక్కులను అందజేశారు. ఈ సందర్భంగా ఆయన మాట్లాడుతూ ఆర్థిక ఇబ్బందుల్లో ఉన్న బాధితులకు సీఎం రిలీఫ్ ఫండ్ ఎంతో ఉపయోగకరంగా ఉంటుందని తెలిపారు. ఈ కార్యక్రమంలో బీఆర్ఎస్ మండల, పట్టణ నాయకులు, ప్రజాప్రతినిధులు, మాజీ సర్పంచులు, కౌన్సిలర్లు, పార్టీ కార్యకర్తలు పాల్గొన్నారు.